قصة السديراوي اللي كنه شقراوي :D‏(الجزء الرابع )

نرجع لليوم الي بعده على طول من يوم قمنا رحنا لأبوظبي الساعه 2 ونص بعد

الظهر وتوجهنا مباشره لسوق مارينا ابوظبي ثم طلعنا لشاطيء كاسر الأمواج الي

دلنا عليه الأماراتي ... وفعلا لقينا فيه قوارب حقت رحلات بس كلها جماعيه ويوم

سألت واحد عن الرحلات الخاصه دلوني على شخص يأجر رحلات خاصه وأسعاره

معقوله ...ورحت له (هو نفسه صاحب السفينه حقت المطعم العائم في شاطيء

كاسر الأمواج بأبوظبي) قلت له ابغى قارب خاص لمدة يوم كامل قال لي احنا يوم

كامل عندنا من 6 مساءا الى بكره 10 صباحا قلت أو كي بس بكم ؟؟ قال الويك

اند ب 2000 درهم ووسط الأسبوع ب 1500 درهم قلت انا ابغاها بوسط الأسوع

بس ابيك تراعييني خصوصا انه راح يضيع علي يوم بالفندق ماراح استفيد منه!!

قال تبي تركب الحين يالله عشانه فاضي بحسبه لك نهايه ب 1200 درهم قلت

توكلنا على الله ...قال اجل تعال بعد ساعه تلقى القارب(اليخت جاهز) وجيب معاك

اغراض الطبخ لأن اليخت فيه مطبخ وبهارات وملح وزيت بس الباقي جيبه انت

قلت ابشر والله وفعلا رحنا ندور سوبر ماركت ( تعبنا ندور- يحليلك يادبي) المهم

اخيرا لقينا سوق وخذنا اغراضنا (رز +دجاج متبل جاهز + فحم للشوي + حلويات

+غصاير +موية شرب ....الخ)

التفتت علي حرمتي وقالت طيب انا ما جبت ملابس...قلت عادي خذي لك من هنا

اي شيء الله واكبر عاد حنا بنروح نشخص... وفعلا خذت لها بنطلون رجالي

أسود ( يضحك شكله عليها) وقميص كحلي ب 50 درهم (عندنا من ابوعشره)

طلعنا من السوق على الموعد ووقفنا سيارتنا مقابل المقاهي الي في كاسر الأمواج

وخذنا أغراضنا ونصينا الجماعه ...وطلب منا اننا ننتظر 10 دقايق لأنه بالطريق

وفعلا جا القارب وكان حجمه حلو مره وفيه كبينه اماميه للسائق مع حمام صغيرله

وقز صغير ( بس حنا ما خليناه يطبخ طول الرحله وكنا نحسب حسابه في الأكل)

وخلفها فيه القسم الرئيسي للقارب عباره عن غرفة نوم حجمها صغير بس حلوه

ومطبخ بالغرفه ودورة مياه.. وتطلع من الخلف بدرج على جلسه حليوه على

سطح القارب من الخلف... بصراحه القارب يناسب شخصين او ثلاثه مرتاحين

وفعلا انطلقنا في عرض البحر الساعه 6 وربع مساءا وكنا متخوفين في البدايه

( رغم تطمينات صاحب القارب بوجود أجهزة السلامه وأنهم اخذو اذن من الأرصاد

الجويه قبل يطلعون ) بس طبعا كان فيه شوية رهبه في البدايه ...بس بعد شوي

صارت عادي جدا..قضينا ليله جميله وهادئه جدا في وسط البحر.. وكان للأمانه

السائق الفلبيني في منتهى الأدب والأخلاق لدرجة اننا ومالكم علي حلف ما نشوفه

الا اذا جيت اعطيه الأكل او العصير أبد جالس في هالكبينه ...وبالذات يوم طفا

المحركات بالليل شغل له الرجال أفلام على السي دي (افلام هنديه وهو فلبيني !!)

المهم اننا سهرنا ذيك الليله الين الصبح (عن الحلف غفينا على سطح القارب

يمكن الساعه 4 وقمنا الساعه 6 الصبح على الشمس برى) يوم قمنا رحت اشوف

السواق الا هو نايم !! قلت للمعزبه يالله بنطب !! قالت لا والله وان جانا سمك قرش!!

قلت مصدقه انتي الأفلام!! يالله البسي بس خلنا نطب !! بصراحه انا بعد قلت يمكن

فيه خطر !! مالنا الا هالسواق نسأله.. رحت له وطقيت الباب عليه يوم قام من النوم

عطيته عصير وكروسان جبن يفطر... وسألته هاه نقدر نسبح هنا ... قال تبون

تسبحون ؟؟ قلت إيه قال لا انتظر اوديكم مكان زين للسباحه .. وفعلا شغل الرجال

ومشى بنا حوالي نص ساعه بسرعه عاليه ... ويوم وصلنا مكان ( الشاطيء

نشوفه من بعييييد) بس الصراحه كان فعلا مكان رااائع والمويه سبحان الله شي

خياال وفعلا وجه القارب لم جهة الشاطي وقال خذوا راحتكم !!! يحسب ان حرمتي

بتلبس بكيني !!

المهم والله استانسنا وسبحنا وكان يوم جميل جدا وسط البحر

نسيت اقول لكم اننا ماشوينا وقلبناها أمس كبسة دجاج لأننا لقينا قدر كاتم عندهم !!

رجعنا الساعه عشر ونص للشاطيء كاسر الأمواج وركبنا سيارتنا وعلى دبي ورحنا

فندقنا وكبرنا الوساده لأننا ما نمنا طول الليل ..

قمنا الساعه 6 مساءا وطلعنا نتمشى في دبي ولكي أختصر الأماكن الي زرناها

وبرنامجنا للأيام التاليه :-

* ركبنا الباص العجيب (برمائي) يلف دبي والخور

* تمتعت زوجتي في مدينة الألعاب المائيه (الولد وادي )وسبحنا فيها ولعبنا

انا وياها بها لممرات المائيه وهالقوارب وكانت هي محافظه على حجابها

ولابسه كاب خاص بالمطافش وما منعها من انها تستمتع بكافة مرافق الولد

وادي ( ما عدا بعض الزحاليق رفضو انها تركبها بحجة ان الكاب ممكن يسبب

خطوره وينشب فيها )

* مطعم البوم العائم ( أكبر مقلب ) وحاجرين الناس بوسطه ومانعينهم يطلعون

فوق سطح البوم هذا غير ان أكلهم زفت ..لقينا ثاني يوم مطاعم عائمه عند خور

دبي أطلق منه وأرخص.

* جلسات المارينا رايقه للعوائل الي تبي تسهر في دبي..

...........

هذا مختصر لرحلتي أسبوع العسل الي حاولت بكل جد وإجتهاد اني اكون رومانسي

وقررت فعلا اني في هالأسبوع اني أعيش اجواء الرومانسيه

بس..

الروووعه مرورك اختي



وان شاء الله القصه نالت اعجابكم[b]

مره حلوه

مشكوره

مـــــــشـــــكـــــــووووره
مـــــــــــــــرره روعــــــــة